Hər bir abituriyentin gələcək mütəxəssis kimi uğurları,arzu və istəklərinin reallaşması  ixtisas seçimi mərhələsində kifayət qədər düşünülmüş qərar qəbul etmələrindən asılı olur.Çünki düzgün ixtisas seçimi ilə onlar öz gələcək karyeralarının əsasını qoymuş olurlar.Biologiya müəllimliyi ixtisasını seçmiş gənclər də canlı orqanizmlər,onların quruluş və funksiyalarına dair nəzəri bilik və təcrübi bacarıqlarını,canlı təbiətin öyrənilməsi və mühafizəsinə, eyni zamanda milli və fənn kurikulumlarının məzmunu və standartlarına uyğun müasir dərslik və cihazlarla təhsil və təlimi həyata keçirmək,şagirdlərin fərdiliyini,inkişaf xüsusiyyətlərini,mövzunun məzmunu və təlim nəticələrini nəzərə alaraq ən uyğun təlim strategiyasının üsul və vasitələrini tətbiq etmək imkanlarına malik olur.Bununla bərabər müasir cihaz və avadanlıqlarla təchiz olunmuş laboratoriya şəraitində bioloji orqanizmlərə aid məlumatları və faktları analiz etmək,ümumiləşdirmək,sistemləşdirmək,bunları ixtisas problemlərinə tətbiq etmək və nəticələrini təhlil etmək və eyni zamanda bioloji sistemlərin təsərrüfat və tibbi məqsədlər üçün istifadəsinə yönəlmiş və bununla bərabər görülmüş işlərin nəticələrinə dair müvafiq hesabatların hazırlanması bacarığına da yiyələnəcəklər.